Fámennir skólar

Samkennsla er einkennandi fyrir kennslu í fámennum skólum. Hluti vefnámskeiðsins er umfjöllun um fámenna skóla. Þátttakendur vinna stutt verkefni með hjálp tengla í ýmsar innlendar upplýsingar um fámenna skóla.

Samkennsla

Umfjöllun um kennslu í aldursblönduðum hópum eða samkennslu árganga er hluti námskeiðsins. Þátttakendur fara í vefleiðangur þar sem þeir viða að sér þekkingu á hugmyndafræði samkennslu og rökum með og móti aldursblöndun.

Kennsluaðferðir

Þátttakendur geta valið að læra um og vinna með nokkrar kennsluaðferðir sem taldar eru nýtast vel við kennsluaðstæður þar sem árgöngum er kennt saman.

Skipulag

Þátttaka í umfjöllun um skipulag skólastarfs í fámennum skólum er valhluti af námskeiðinu. Einnig um skipulag námshópa og námsefnis við samkennslu árganga. Hér eru dæmi frá skólum um skipulag skólastarfs í samkennslu.

Námsmat

Fjallað er um fjölbreyttar aðferðir við námsmat. Hvernig hægt er að nýta próf, sjálfsmat, verkmöppur og marklista við námsmat í fámennum skólum. Þessi hluti vefjarins verður unninn nánar veturinn 2004-5. Þá mun hér einnig verða fjallað um hvernig nemendur geta stýrt samráðsfundum foreldra, kennara og nemenda.

Umræða

Þátttakendur í námskeiðum og aðrir sem vilja ræða málefni fámennra skóla og samkennslu árganga geta nýtt sér umræðurnar sem fara fram á málstofu til skoðanaskipta, til þess að leita stuðnings eða veita stuðning.