Samvinnunám

Samvinnunám


Hópvinnubrögð eru samheiti yfir margar og oft ólíkar kennsluaðferðir sem eiga það sameiginlegt að í stað þess að fela einstaklingum að leysa tiltekin viðfangsefni eru
þau falin hópum. Auk annarra námsmarkmiða er það veigamikið markmið þegar hópvinnu er beitt að þjálfa nemendur í samvinnu.

Hér verða tekin dæmi um tvær hópvinnuaðferðir.

Efniskönnun í hópum (Group Investigation)

Þegar nemendur vinna að efniskönnun í hópum er oftast fylgt eftirfarandi vinnuferli:

1. Verkefnið er afmarkað og kynnt.

2. Nemendum skipt í hópa.

3. Hóparnir undirbúa upplýsingaöflun (afmarka spurningar, ræða hvar leita megi heimilda o.s.frv.).

4. Upplýsinga aflað.

5. Unnið úr heimildum og niðurstöður settar fram.

6. Niðurstöður kynntar.

7. Niðurstöður ræddar.

8. Starfið metið.

Púslaðferðin (Jigsaw)

Púslaðferðin byggist á því að námsefni er skipt í afmarkaða hluta og þeim síðan skipt milli vinnuhópa. Hver nemandi fær það verkefni að kynna sér einn hluta. Vinnan
er skipulögð með þeim hætti að hver nemandi er þátttakandi í tveimur hópum, annars vegar svokölluðum heimahópi og hins vegar sérfræðingahópi. Hlutverk
sérfræðingahópanna er að kynna sér í þaula það námsefni sem í hlut hópsins hefur komið. Í heimahópunum er upplýsingaöflun undirbúin og þar kenna sérfræðingarnir
hver öðrum.

Setjum svo að nemendur séu að læra um íslensk spendýr. Í heimahópunum ræða nemendur þær spurningar sem leita þarf svara við (Hvar og á hverju lifir dýrið?
Hverjir eru helstu óvinir þess? Hver eru æviskeiðin? O.s.frv.). Nemendur skipta námsefninu milli sín og síðan fara þeir í sérfræðingahópana. Þeir nemendur sem eiga
að kynna sér hreindýr mynda sérstakan hóp, nemendur í öðrum hóp læra um refinn, þriðji hópurinn aflar upplýsinga um mýs o.s.frv. Hver sérfræðingahópur aflar sér
upplýsinga um sitt dýr og ræðir jafnframt hvaða leiðir séu bestar til að kenna honum um efnið.

Þessari aðferð hefur verið beitt í fjölmörgum námsgreinum og á öllum aldursstigum.

Höfundur púslaðferðarinnar er Elliot Aronson sálfræðingur og prófessor við University of California í Santa Cruz.. Hér er heimasíða aðferðarinnar en þar er að finna
greinargóða lýsingu á vinnuferlinu, sem og dæmi um útfærslu:

 

Námskeiðsvefir:

Meira efni um hópvinnubrögð

Vefsetur INTERNATIONAL ASSOCIATION FOR THE STUDY OF COOPERATION IN EDUCATION. Á vefsíðum þessara samtaka er m.a. að finna lista yfir heimildir um samvinnunám.

The Cooperative Learning Center at The University of Minnesota. Mjög vandaður vefur. Vefnum tengjast þeir David W. Johnson og Roger T. Johnson sem hafa verið meðal helstu brautryðjenda við að endurvekja áhuga á samvinnunámi. (Ath. að þessi vefur hefur verið óvirkur um skeið)

The Cooperative Learning (CL) Network (vefur tengdur Sheridan-háskóla)

The Instructional Innovation Network (safn vefslóða um samvinnunám)

Kagan-online. Vefsetur fyrirtækis Spencer Kagan sem sérhæfir sig í ráðgjöf um samvinnunám og kennslu í anda fjölgreindarkenningarinnar.

Þá skal bent á bók Lilju M. Jónsdóttur. 1996. Skapandi skólastarf: Handbók fyrir kennara um skipulagningu þemanáms. Reykjavík: Námsgagnastofnun. Í bókinni eru ítarlegar leiðbeiningar um skipulag umfangsmikilla hópverkefna.